Madina Sadvakasova - Сен қашан ораласың?

Сағаттар өтуде алға ептеп,
Құлағын тағы бұрап,
Келуде пойыздар, самолеттер,
Сен жоқсың әлі бірақ.
Күн суық, көңілім таяз емес,
Күз келді Астанаға,
Тоңдырған суық пен аяз емес,
Себебі басқа ғана.

Сен қашан ораласың?
Менің жаным болып,
Менің бағым болып,
Бақытым болып.
Сен қашан ораласың?
Менің құшағыма,
Тезірек келсеңші,
Мініп ұшағыңа.

Жалғыз боп өте ме тағы қысым,
Қаланың көшесінде,
Сен қашан келмексің, сағынышым.
Қай айдың нешесінде?
Тауыстың төзім мен сабырымды,
Уақытқа бағындырып
Арттырып жүрсің бе қадіріңді,
Әдейі сағындырып..