МузАрт - Сағындым

Өзіңе, еркем, сырымды шертем,
Жақыным сен деп жалғанда.
Құмарым да өзің, сыңарым да өзің,
Тең келер саған жан бар ма?
Қиялың көкте қимасын шектеп,
Адасып жүрген жандаймын.
Азабы батып асса да уақыт,
Аңсаудан сені талмаймын.

Ерікке салсам, қорғаны болсам,
Дақ түспес аппақ арыңның.
Амалсыз қалып, от болып жанып,
Сағындым, қалқам, сағындым.

Баураса көркің, ұлғайып дертім,
Малынсам деймін нұрыңа.
Өзің деп тұрған, көзімде тұнған,
Қанық бол менің сырыма.
Сездірмей жатқа, сезімді бапта,
Болайын соның иесі.
Ниетпен ізгі аялап бізді,
Ақ махаббаттың киесі.